البحث التسويقي – Market Research
البحث التسويقي او بحوث التسويق هي عملية من إفتراض الأسئلة ومحاولة الحصول على إجابات ليها, وهنا بتظهر مشكلة تانية عند بعض متخصصين التسويق, هي عدم القدرة على إفتراض الأسئلة أو عدم وجود قائمة مرتبة ومنظمة بكل المعلومات اللي ممكن يسأل عنها او يحاول يدور على إجابتها
أهداف البحث التسويقى Market Research:
1- حل المشاكل :بيبدأ البحث التسويقى هنا يستكشف الموقف ويشوف المشكلة فين ويحاول يحلها.
طبيعى إن الشركة فى طريقها بتقابل كل شوية مشكلة …المبيعات قلت، الإعلان الأخير منجحش، الموزعين متضايقين و المحلات مش عاوزة تحط المنتج عندها، الموظفين مكسلين ومش عاوزين يشتغلوا …الى آخره من المشاكل اللى بتقابل الشركة كل يوم.
دور البحث التسويقى هنا هو تحديد واكتشاف المشكلة عشان متخذى القرار يقدروا يحلوها.
2-الوصف: هيبدأ يوصف السوق شكله إيه الأيام دى، فين الفرص والتهديدات الجديدة اللى ظهروا، إيه المنتجات الجديدة المنافسة والبديلة، إزاى البيئة الثقافية والتكنولوجية والاقتصادية بتتغير.
3- تحديد العلاقات بين التعديلات والنتايج: أحيانًا بتحتاج الشركة إنها تختبر التعديلات فى المنتج أو الأسعار أو طريقة الدعاية اللى بتشتغل بيها أو أى تعديل تسويقى تانى قبل ما تطبقه.
4- هتحدد كمان أهدافك من خلال البيانات اللى انت جمعتها وهل الأهداف دى واقعيه وهتقدر تنفذها والا لا- هيساعدك فى وضع اليات واضحه وخطه سليمه .
طب إيه الTools اللي ممكن تساعدنا
أنواع البحوث التسويقية:
البحث التوصيفي: أبحاث تصف وتصور وتشف لك ما يحدث الآن في السوق؛ فنلاقيها بتوضح لك الفئة العمرية التي تستخدم منتجاتك، وعدد منافسيك، ونصيب منتجك من مبيعات السوق الإجمالية.
البحث التجريبي: للإجابة على سؤال مثل: إيه اللي ممكن يحصل لمبيعات منتج ما عند تغيير شكله الخارجي، هنا سيتبع الباحث طريقة بحث صارمة تقوم بتحييد جميع المتغيرات الأخرى، ليعرف بدقة كيف سيؤثر متغير ما على متغير آخر. التمسك بقواعد إجراء الأبحاث التجريبية هيخلي المسوق قادر على الخروج بنتائج دقيقة ومضمونة.
0 التعليقات:
إرسال تعليق