التسويق بالمديح – word of Mouth
من أشهر وأقدم أنواع الدعاية عموما التسويق باستخدام أداة العلاقات العامة خصوصا التسويق بالمدح، وده بيحصل لما الناس بتتكلم عن
المنتج اللى استخدموه وعجبهم جودته وكفاءته بالمديح، وبيوصوا الناس بشرائه واستخدامه.
كتير من الشركات كانت بتخلق قصص نجاح سواء حقيقة أو قريبة من الحقيقة، وأحيانًا بتكون مجرد شائعات عن المنتج، وتبدأ الناس تتداول الحكايات دي بشكل تلقائي، أو بشكل ترويجي مخطط له، وكمان الشركة ممكن تتفق مع أشخاص مشهورين إنهم يتكلموا عن تجربتهم مع المنتج، وتتسجل التجربة دى أو كلام المدح عن المنتج ده على ويب سايت الشركة أو فى فيديو دعائي خاص بها على وسائل التواصل الاجتماعي، و يكون نتيجة لكده أن تبدأ الرسالة الدعائية دى (الموثوق فيها) تنتشر بين الناس.
وهنا يبرز دور التسويق بالمديح كواحد من أقوى انواع التسويق وأكثرها تأثيرًا وانتشاراً…والجميل أنه لا يكلفك أي شيئ على الإطلاق… لأنه بيدور بالأساس حول خلق حالة ذهنية من الثقة والرضا عندالمستخدمين، تتزامن مع وسائل التسويق الأخرى العادية التقليدية..
أظهرت الدراسات أن العميل الراضي سيخبر – في المتوسط – ثلاثة أفراد عن المنتج/الخدمة التي هو عنها راض، في حين أنه سيخبر 11 فردا عن خدمة/منتج هو غير راض عنها.
خطوات تصميم حملة تسويقية معتمدة على ( أو التسويق بالمديح )
1- اجمع شهادات المستخدمين ورسائل الشكر والمدح.
2- سجل مقاطع فيديو لمستخدمين راضين عن منتجك/خدمتك، وانشرها على موقعك و على صفحات السوشيال ميديا.
3- اعمل حاجة استثنائية غير متوقعة عشان تخلي الناس تتكلم عنك،
يجب التركيز على نقطة هامة فى التسويق بالمديح، حيث أنه يعتبر سلاح ذو حدين، فبعد تقديم المنتج فى البداية بطريقة مميزة وبدأت الأخبار تنتقل بسرعة فى كل مكان عن تميزه، وبدأ المدح فى المنتج بين الناس المستخدمين ليه، وبعد ما تبدأ حصة المنتج من السوق ترتفع، يتفاجأ المستخدمين بانخفاض درجة جودة المنتج ، فبالتالي ده هيؤدي إلى ضرر أكبر من لو المنتج انتشر بطريقة طبيعية، هيعتبر ده تسويق سلبى أدى إلى ضرر كبير بالمنتج.
0 التعليقات:
إرسال تعليق